Nacho "Real"dan ketadigan bo‘ldi

Himoyachi Nacho Fernandes joriy mavsum oxirida "Real"ni tark etishi mumkin. Bu haqda "Todofichajes" nashri xabar bermoqda.

Manbaning ma’lum qilishicha, "qaymoqranglilar" rahbariyati futbolchining kelasi yilning o‘rtalariga qadar amal qiladigan shartnomasini uzaytirishni rejalashtirmayapti. Shu tariqa Fernandes yozda jamoani tark etadi. Ispaniyalik himoyachida faoliyatini Italiya chempionatida davom ettirish imkoniyatlari bor. Nachoning xizmatlariga "Napoli" va "Roma" klublari qiziqish bildirmoqda.

33 yoshli futbolchi 2012 yilning sentyabridan beri "Real Madrid" sharafini himoya qilib kelmoqda. Uning transfer narxi 6 million evro.