Нафсини тиймаган юлдуз жамоадан четлатилди

Трансфер ҳуқуқи “Тоттенхэм”га тегишли бўлган Танги Ндомбеле мавсумни ижара асосида “Галатасарой”да ўтказмоқда.

Бироқ янги иш жойида ҳам футболчи муаммога дуч келди. Европа Чемпионлар лигаси доирасида “Бавария”га қарши ўтказилган учрашувдан кейин Ндомбеле меҳмонхонада ярим кечаси гамбургер, картошка ва кола буюртма қилди.

Бундан хабар топган бош мураббий Окан Бурук Тангини кескин танқид қилиб, етарли даражада вазн ташламагунга қадар жамоага яқинлашмаслигини уқтирди.

Франциялик футболчи ортиқча вазнга эга. “Галатасарой” ошпазлари базада унга семиртирмайдиган махсус таомлар тайёрлаб бериши йўлга қўйилган. Бироқ Ндомбеле уйга қайтган пайт кўнгли тусаган ҳар қандай таомни паққос туширяпти.