Naomi Osaka "Australian Open-2021" chempioni!

"Katta dubulg‘a" tasnifiga kiruvchi Avstraliya ochiq chempionatining yakkalik bahslarida ayollar o‘rtasida final uchrashuvi bo‘lib o‘tdi. Unda yaponiyalik Naomi Osaka hamda AQSh sharafini himoya qilgan Jennifer Bredi o‘zaro munosabatlarga oydinlik kiritib oldi.

Bahs oldidan favorit maqomida e’tirof etilgan kunchiqar yurt vakilasi kutilganidek, raqibidan mahorat bobida ustunligini isbotladi. 79 daqiqa davom etgan o‘ying Naomining 6:4, 6:3 hisobidagi g‘alabasi bilan yakunlandi.

Shu tariqa, qit’adoshimiz o‘z faoliyatidagi 4-"Ulkan toj"ini Melburn kortlarida qo‘lga kiritdi. Ma’lumot uchun, shulardan ikkitasi aynan "Australian Open" bosh sovrini hisoblanadi.