Назорат ўйини. "Динамо" "Бунёдкор"га мағлуб бўлди

"Динамо" ва "Бунёдкор" ўртасидаги назорат ўйини якунланди. Учрашув "қалдирғочлар"нинг 2:1 ҳисобидаги ғалабаси билан якунланди. 

Ўтган мавсумни "Нефтчи"да ўтказган ва ҳозирда Абрамов жамоасида бўлиб турган Беҳруз Облақулов 60-дақиқада ҳисобни очган бўлса, орадан 7 дақиқа ўтиб Фирдавс Абдураҳмонов ўз дарвозасини ишғол қилиб қўйди - 1:1. Шундан сўнг 72-дақиқада Билол Тўплиевнинг голи "Бунёдкор"га ғалаба келтирди. 

"Бунёдкор" футбол академияси майдонида ўтган ўйинда самарқандликлар легионерлари Ратиньо ва Марко Станоевич қатнашмади.  Улар "Динамо"нинг БААдаги йиғинига бориб қўшилиши кутилмоқда.