Неаполда мудҳиш воқеа содир бўлди

Кеча Неаполда афсонавий Диего Марадонанинг чап оёғи тасвирланган картина ўғирлаб кетилди. Бу ҳақда "Calciomercato" нашри хабар берди.

Диего Марадона "Наполи" афсонаси саналади. Ушбу жамоа аъзоси сифатида аргентиналик футболчи бир қатор совринларни қўлга киритган. Хусусан, 2 марта Италия чемпиони унвонини қўлга киритган. Марадона 2020 йилнинг ноябрь ойида вафот этган эди.

Айни дамда "Наполи" Италия чемпионатининг турнир жадвалида ишончли тарзда пешқадамлик қилмоқда. Жамоа Марадона ўйнаган 1990 йилдан бери илк бор мамлакат чемпиони бўлишга яқин.