«Реал» уч юлдуз яримҳимоячисини сотишдан бош тортди

«Реал Мадрид» ёзги трансфер ойнасида Орельен Тчуамени, Эдуардо Камавинга ва Федерико Вальвердени сотишни режалаштираётгани йўқ.

Испания нашри Marca хабарига кўра, сўнгги ҳафталарда айниқса икки француз футболчисининг кетиши ҳақида кўп миш-мишлар тарқалган эди. Бироқ клуб раҳбарияти уларни жамоада сақлаб қолишга қарор қилган ва ҳеч қандай расмий музокараларга киришмаган. Хусусан, Тчуаменига Англия клубларидан жиддий қизиқиш бўлган, аммо бош мураббий Жозе Моуринью уни келаси мавсум учун муҳим фигура сифатида кўрмоқда.

Манбага кўра, жамоа сардори Федерико Вальверде бўйича ҳам бир қатор таклифлар келиб тушган. Лекин уругвайлик ярим ҳимоячининг трансфери масаласи кун тартибидан мутлақо чиқариб ташланган – футболчининг ўзи бошқа клублар билан музокара олиб боришга ҳеч қандай қизиқиш билдирмаяпти.

Transfermarkt портали маълумотларига кўра, Тчуаменининг бозор қиймати 70 миллион евро, 

Камавинганики 50 миллион евро атрофида баҳоланмоқда. Вальверде эса шу манбада 90 миллион евро қийматга эга деб кўрсатилган.