Неймар “Барса”ни танлади

Яқинда “Ал-Ҳилол”дан “Сантос”га кўчиб ўтган Неймар ўзини тарбиялаган клуб сафида ҳам узоқ қолмайдиган кўринади.

Cadena Ser нашрининг маълум қилишича, 32 ёшли юлдузнинг асл мақсади Европа футболига қайтиб, яна жаҳоннинг энг қудратли клубларида ўйнашдан иборат.

Неймар “Сантос”га қайтиш орқали яна юқори даражада футбол ўйнаш имконияти борлигини намойиш қилмоқчи бўлаётгани айтилмоқда.

Манбанинг таъкидлашича, бразилиялик ҳужумчи ўзига жамоа танлаб қўйган. У “Барселона”га қайтишни орзу қиляпти.

Лекин Неймар Каталонияга қайтиши учун клуб раҳбарияти унга ўйин амалиётини кафолатлаши керак. Демак, бу борада кўп нарса Жоан Лапорта ва бош мураббий Ханс-Дитер Фликнинг қандай қарорга келишига боғлиқ.