Неймар ўзининг энг катта мақсадини айтди

Ўзининг собиқ клуби "Сантос"га қайтган Неймар фаолиятидаги энг катта мақсади нима эканлигини очиқлади. Бразилиялик юлдуз мундиалга гўлиб чиқмоқчи эканлигини айтди.

"Албатта, мен яна терма жамоага қайтишни хоҳлайман. Менда ҳали эришишим керак бўлган нарсалар бор. Жаҳон чемпионлиги мен учун сўнгги вазифа деб ҳисоблайман. Мен бунга интиламан, нима бўлишидан қатъи назар. Менинг мақсадларим бор", – дея Неймарнинг сўзларини келтиради "Globo" нашри.

Ўтган жаҳон чемпионатида Бразилия терма жамоаси чорак финалга қадар етиб бориб, пеналтилар сериясида Хорватияга ютқазганди. "Seleção Canarinho"нинг мусобақадан чиқиб кетиши Неймарнинг кўз ёшларига сабаб бўлганди.

Эслатиб ўтамиз, Бразилия охирги марта жаҳон чемпионлигини 2002 йилда қўлга киритган.