Неймар: ПСЖ ютқазганидан хафаман, аммо улар билан фахрланаман

ПСЖ жамоаси ҳужумчиси Неймар “Реал”га қарши кечган Европа Чемпионлар Лигаси нимчорак финал жавоб ўйинидан кейин ўз фикрларини билдирди.

Парижликлар Мадридда ўтган беллашувда 1:3 ҳисобида, ўз майдонида эса 1:2 ҳисобида мағлубиятга учрашди.

• “Реал” ПСЖнинг 51 учрашувдан буён давом этиб келаётган мағлубиятсиз сериясига барҳам берди 

“Бугун мағлубиятга учраганимиздан хафаман. Майдонга тушиб жамоадошларимга ёрдам бера олмаганим эса мени унданда қийнади. ПСЖ “Реал” билан ўйинда бор кучини берганидан фахрланаман”, – деб ёзди Неймар “Инстаграм”даги саҳифасига.

Эслатиб ўтамиз, Неймар жароҳати туфайли “Реал”га қарши жавоб ўйинида майдонга туша олмади.

• Неймар жарроҳ столига ётади