Нико Пас "Арсенал"га рад жавобини берди

Лондоннинг "Арсенал" клуби "Комо" ярим ҳимоячиси Нико Пасни ўз сафига қўшиб олишга қизиқиш билдирган. Бу ҳақда "Goal" портали хабар тарқатди.

Манбага кўра, "канонирлар" аргентиналик футболчини трансфер қилишни истаган, бироқ ўйинчининг ўзи бу таклифни рад этган.

Қайд этилишича, 21 ёшли ярим ҳимоячи ҳозирча "Комо"да қолишни ёки фаолиятини Мадриднинг "Реал" клубида давом эттиришни хоҳламоқда.

Нико Пас Италия жамоаси сафида 2024 йил августидан буён тўп тепиб келмоқда. Унинг клуб билан амалдаги шартномаси 2028 йил июнь ойи охирига қадар мўлжалланган.

Футболчининг бозор қиймати 65 миллион евро деб баҳоланмоқда.

Жорий А Серия мавсумида Пас 29 та учрашувда иштирок этиб, 10 та гол урди ва 6 та голли узатма амалга оширди.