Noyer qoidalarini buzdi

Germaniya terma jamoasi darvozaboni Manuel Noyer jahon chempionatida Kyurasoaga qarshi o‘tkazilgan debut uchrashuvidan (7:1) so‘ng FIFA reglamenti atrofidagi bahslar markazida qoldi. GMS nashrining yozishicha, u bir vaqtning o‘zida ekipirovka bo‘yicha qoidalarning ikki bandini buzgan.

40 yoshli posbon maydonga o‘zgartirilgan sport formasida tushgan. U kiygan futbolkaning yenglari odatdagidan ancha qisqa qilib kesilgani ko‘zga tashlandi. FIFA qoidalariga ko‘ra, bunday o‘zgartirishlarga yo‘l qo‘yilmaydi.

Bundan tashqari, Noyer futbolkasi ostiga oq mayka kiygan. Amaldagi reglamentga muvofiq, o‘yinchilar asosiy forma rangiga mos kelmaydigan qo‘shimcha kiyimdan foydalanishlari taqiqlangan. Ushbu o‘yinda darvozabon formasi yashil rangda edi.

Hakmlar esa vaziyatga aralashmadi va Noyerdan ekipirovkasini almashtirishni talab qilmadi. Manbalarga ko‘ra, u katta ehtimol bilan bu safar intizomiy jazodan qutulib qoladi. Shu bilan birga, rasmiy shaxslar uning kiyinish tarziga turnirning keyingi uchrashuvlarida yanada jiddiyroq e’tibor qaratishi mumkinligi ta’kidlanmoqda.