“Ньюкасл” футболчиси жамоадан кетмоқчи

"Ньюкасл" ярим ҳимоячиси Бруну Гимарайнш қишда фаолиятини бошқа клуб сафида давом эттириши мумкин. 

Журналист Мигел Деланининг берган маълумотига кўра, Брунунинг вакиллари "Манчестер Юнайтед" билан музокараларни бошлаб юборган. Маълум бўлишича, бразилиялик футболчи "Ньюкасл"нинг ҳозирги ҳолатидан кўнгли тўлмаяпти. 28 ёшли ярим ҳимоячи жамоа бош мураббийи Эдди Хауга кетишни маълум қилган. 

Футболчининг ҳозирда трансфер бозорида нархи 75 миллион еврога баҳоланмоқда. Унинг клуб билан шартномаси 2028 йилнинг ёзигача амал қилади. 

Эслатиб ўтамиз, Гимарaйнш жорий мавсум "қарғалар" сафида 23 та учрашувда майдонга тушиб, 5 та гол киритган ва 5 та голли узатма амалга оширган.