Ўнта клуб Икардини сотиб олмоқчи

«Галатасарой» таркибини тарк этган собиқ ҳужумчи Мауро Икарди ҳали ҳам ўзининг янги клубини изламоқда.

TyC Sports хабарига кўра, аргентиналик форвардга бир вақтнинг ўзида Европанинг етти клуби қизиқиш билдирган. Улар орасида Англия премьер-лигасидан «Тоттенхэм» ва «Эвертон» ҳам бор. Шунингдек, Икарди номзоди ПАОК, «Эльче», «Бетис», «Бешикташ» ва «Бенфика» рўйхатларига ҳам киритилган.

Мауро Икардига фақат Европада эмас, Жанубий Америкада ҳам талаб бор. Хусусан, Бразилиянинг икки клуби — «Атлетико Минейро» ва «Сан-Паулу» ҳам тажрибали ҳужумчини ўз сафига қўшиб олиш имкониятини кўриб чиқмоқда. Ҳар икки жамоа футболчининг атрофидаги вазиятни диққат билан кузатиб бормоқда.

Икарди «Галатасарой»ни ўтган ёзда тарк этган эди. У ўтган мавсумда 33 ёшда бўлишига қарамай, жамоа учун 47 та ўйин ўтказиб, 16 та гол урди ва 3 та голли пас муаллифига айланди.