Ўзбекистон 2026 Осиё ўйинлари чорак финалидаги рақибини билиб олди

Ўзбекистон U-23 терма жамоаси футбол бўйича Айти ва Нагояда бўлиб ўтадиган Осиё ўйинларининг футбол мусобақаси чорак финалида Саудия Арабистонига қарши майдонга тушади.

Ўзбекистон ёшлар термаси рақиби Осиё ўйинларидаги «D» гуруҳи сўнгги туридан сўнг аниқ бўлди. Республика Корея ва Саудия Арабистони терма жамоалари ўртасидаги баҳсда кореяликлар 2:0 ҳисобида ғалаба қозониб, гуруҳда биринчи ўринни эгаллади. Саудия Арабистони эса иккинчи поғонадан чорак финалга йўл олди.

Шу тариқа, Ўзбекистон U-23 терма жамоасининг Саудия Арабистонига қарши учрашуви 25 сентябрь куни бўлиб ўтади. Беллашув Нагоя шаҳридаги Mizuho стадионида ўтказилиб, Қозоғистон вақти билан соат 10:00 да старт олади.

Ўзбекистон гуруҳ босқичини муваффақиятли якунлади. Равшан Ҳайдаров шогирдлари барча учрашувларда ғалаба қозонишди: Филиппин (5:1), Қувайт (2:0) ва Вьетнам (2:0) терма жамоалари мағлуб этилди.