Ўзбекистон Испания ва Уругвай билан ўйнайди
Ўйинлар шу ҳафта Испанияда бўлади
Ўзбекистон U-17 ёшлар терма жамоаси Тошкентдаги ўқув-машғулот йиғинини якунлаб, икки назорат учрашуви ўтказиш учун Испаниянинг Альбир шаҳрига йўл олди.
Бу ҳақда Ўзбекистон футбол ассоциацияси матбуот хизмати хабар берди.
Сергей Чигодаев шогирдлари 25 август куни Уругвай U-17 терма жамоасига қарши майдонга тушади.
27 август санасида эса Испания ёшлар терма жамоасига қарши баҳс ўтказиш режалаштирилган. Ҳар икки ўйин ҳам Альбир шаҳрида бўлиб ўтади.
Мазкур назорат учрашувлари Ўзбекистон U-17 терма жамоасининг 17 ёшгача бўлган футболчилар ўртасидаги жаҳон чемпионатига тайёргарлик дастурининг муҳим қисми ҳисобланади. Мусобақа 19 ноябрдан 13 декабрга қадар Қатарда ўтказилиши белгиланган.
Изоҳлар (0)