Ўзбекистон — Жанубий Корея учрашуви тақдирини битта гол ҳал қилди

Ўзбекистон U-20 ёшлар терма жамоаси навбатдаги ўртоқлик учрашувида Жанубий Корея ёшлар термасини мағлуб этди. Бу ҳақда Ўзбекистон футбол ассоциацияси матбуот хизмати хабар қилди.

Учрашув 1:0 кўринишида ўзбекистонлик ёш футболчилар фойдасига ҳал бўлди. Жамоага Жамолиддин Рахматуллаев устозлик қилмоқда.

Учрашувда ягона гол 78-дақиқада урилди. Ўзбекистон термасига ғалаба келтирган тўп муаллифи Даврон Тулаганов бўлди.

Ўзбекистон U-20 учрашувни қуйидаги таркибда бошлади: Нематуллох Рустамжонов, Шорахим Шорахмедов, Кувончбек Абраев, Нурбек Сарсенбаев, Беҳруз Абдусатторов, Тоҳиржон Ашурбаев, Озодбек Нажмиддинов, Куванишбек Сайдалиев, Абдувосид Солиев, Муҳаммадали Дилшодбеков ва Улуғбек Маратов.

Тулаганов майдонга захирадан туширилди ва ҳал қилувчи голни урди. Шунингдек, ўйин давомида захирадан Шокиров, Юсупхонов, Одилжонов, Ботиралиев, Купайсинов, Эримбетов, Алиев, Абдурасулов, Кувоншибаев ва Эрманов ҳам майдонга туширилди.