Ўзбекистонга бутун Қозоғистон қайғурди

Қозоғистон терма жамоаси ва "Актобе" клубининг собиқ дарвозабони Алмат Бекбаев футбол бўйича жаҳон чемпионатида Колумбияга қарши ўйинда Ўзбекистон терма жамоаси кўрсатган натижа ҳақида фикр билдирди. 

Эслатиб ўтамиз, Ўзбекистон терма жамоаси учун мусобақадаги илк ўйин 1:3 ҳисобида якунланди. Шу ўйинда Аббосбек Файзуллаев жамоа таркибида жаҳон чемпионатларидаги биринчи гол муаллифига айланди.

- Бу ўйинни бутун Қозоғистон Ўзбекистон терма жамоаси учун қайғуриб томоша қилди, аммо тажрибали рақиб — Колумбия кутилганидек уч очкони қўлга киритди. Ростини айтсам, бундай натижани олдиндан тахмин қилиш мумкин эди. 

Турнирни янги саҳифадан бошлаган Ўзбекистоннинг дарҳол жаҳон чемпионатларида катта тажрибага эга Колумбияни енгиб кетиши қийин эди. Эҳтимол, Конго  Демократик Республикаси билан ўйинда очко олиш имконияти бор ва шу орқали гуруҳдан учинчи ўрин билан чиқиш мумкин. 

Чунки Португалия футболчилари кутилмагагда Конго билан дурангдан сўнг гуруҳ баҳсларида яна очко йўқотишига ишониш қийин, — дея таъкидлади Алмат Бекбаев.

Фабио Каннаваро шогирдларининг навбатдаги учрашуви 23 июнь куни Португалияга қарши бўлади.