Одил Аҳмедов бугун гол уриши керак!

Хитой чемпионатининг саккизинчи турида “В” гуруҳида пешқадамлик қилаётган “Шанхай СИПГ” мусобақа аутсайдери “Тяньзцинь Тэда” билан куч синашади.

Одил Аҳмедов, Халк, Оскар ва Арнаутович етакчилигидаги шанхайликлар жорий чемпионатда мағлубиятга учратмаган ягона жамоа сифатида 17 очко билан биринчи ўринда турибди. “Шанхай СИПГ” еттита учрашувдан бештасида зафар қучган, икки маротаба дуранг ўйнаган. Одил Аҳмедов барча ўйинда майдонга тушган еттита футболчидан бири ҳисобланади.

 “Тяньзцинь Тэда” эса Хитой чемпионатини муваффақиятсиз ўтказмоқда. Бу жамоа еттита учрашувда атиги бир марта дуранг ўйнади.

Бугун Тошкент вақти билан 17:00да бошланадиган учрашувда Одил Аҳмедов жамоасининг имконияти юқори баҳоланмоқда.