ОКМК таътилга чиқди

Кечаги учрашувдан сўнг ОКМК жамоаси қисқа муддатли таътилга чиқди. Бу ҳақда клуб матбуоти хабар берди. 

"Мавсумнинг сермаҳсул ва масъулиятли қисмидан кейин футболчилар ҳамда мураббийлар штабига қисқа ҳордиқ берилди. Ушбу танаффус давомида жамоа аъзолари жисмоний ва руҳий тикланиш жараёнини олиб боришади.

Таътил якунлангач, "кончилар" кейинги учрашувларга пухта тайёргарлик кўриш ва мавсумнинг навбатдаги баҳсларида мухлисларни қувонтириш мақсадида машғулотларга киришади.

Фурсатдан фойдаланиб, жамоамизни ҳар бир ўйинда қўллаб-қувватлаб келаётган барча мухлисларимизга самимий миннатдорчилик билдирамиз. Сизларнинг ишончингиз ва қўллаб-қувватловингиз футболчилар учун катта куч бўлиб хизмат қилади.

Тез орада майдонларда яна учрашамиз", - дейилади хабарда.