«Олимпик» клуби собиқ бош мураббийи ЦСКАда иш бошлайди

Манбаларига кўра, ЦСКАда Дмитрий Игдисамовнинг ёрдамчиси этиб Денис Коростиченко тайинланиши кутилмоқда. У аввалроқ Ўзбекистоннинг «Олимпик» клубида бош мураббий сифатида фаолият юритган, шунингдек, ЦСКА ёшлар жамоасида Игдисамовнинг ассистенти бўлиб ишлаган.

Бугун оммавий ахборот воситалари Игдисамовнинг яна уч нафар эҳтимолий ёрдамчиси номини эълон қилди. Хабарларга кўра, ЦСКА мураббийлар штабига Виталий Кафанов, Роман Адамов ва Мурат Искаков ҳам қўшилиши мумкин.

Эслатиб ўтамиз, Дмитрий Игдисамов мавсум якунига бир неча тур қолганида ЦСКА бош мураббийи лавозимида Фабио Челестини ўрнини эгаллаган эди. У шу пайтгача жамоани вақтинчалик бошқарувчи мутахассис сифатида бошқариб келди.