Ўруновдан гол кутишяпти!

12-14 сентябрь кунлари Россия премьер-лигасида қисқа танаффусдан сўнг, 7-тур учрашувлари ўтказилади.

Футболга ихтисослашган нашрлар ушбу турга оид турли таҳлил ва тахминларни илгари сурмоқда. Хусусан,  nevasport.ru сайти ижодкорлари трансфери мухлису мутахассислар эътиборини қозонган футболчилардан қайси бири янги жамоасида биринчи бўлиб гол уришига қизиқмоқда.

- “Динамо” таркибини Даниил Лесовой, Даниил Фомин ва хорватиялик Никола Моро билан мустаҳкамлади. Энг кучли харидларни ЦСКА амалга оширди – нигериялик Чиди Оджуке, бразилиялик Бруно Фукс, қозоғистонлик Бахтиёр Зайнутдинов ва аргентиналик Адольфо Гайч. “Локомотив” беларуслик Виталий Лисакович ва гвинеялик Франсуа Каманони олди. “Спартак” таркибига ўзбекистонлик Остон Ўрунов қўшилди.

Хўш, барчанинг эътиборида турган ушбу футболчилардан қай бири янги жамоаси учун биринчи бўлиб гол уради?, - деб ёзади nevasport.ru экспертлари.

Эслатиб ўтамиз, Остон Ўрунов дебют қилган “Спартак” еттинчи  тур учрашувини 13 сентябрь куни меҳмонда ЦСКАга қарши ўтказади. 14 сентябрь куни ўзбек дербиси - Элдор Шомуродов ва Жасур Жалолиддинов тўқнашувини кўришимиз мумкин. “Ростов” ўз майдонида “Локомотив”ни қабул қилади.