Осимхенга даҳшатли сумма тикадиган клуб бор

“Наполи” тўпурари Виктор Осимхен клуб раҳбарияти билан юзага келган зиддият оқибатида жамоасини ўзгартириши мумкин.

24 ёшли ҳужумчига клуб унинг 11-метрлик белгидан гол ура олмаганини ҳажвий ролик қилгани ёқмади.

Футболчига яқин манбалар  нигериялик тўпурар Неаполдан кетиш ҳақида ўйлаётганини маълум қилди.

Бу вазиятдан “Челси” фойдаланиб қолмоқчи. Ёзги трансферлар вақтида энг кўп – 440 миллион евро сарфлаган “аристократлар” яна 170 миллион евродан воз кечишга тайёр.

Англия суперклуби бу трансферни январь ойидаёқ ҳал қилмоқчи. Бу вазиятда кўп нарса Осимхен ва “Наполи” ўртасидаги воқеалар қандай ривожланишига боғлиқ бўлади.