Ўсмирлар терма жамоамиз йиғинга киришди

Дзюдо бўйича Ўзбекистон ўсмирлар терма жамоаси навбатдаги халқаро мусобақаларга пухта тайёргарлик кўриш мақсадида Сурхондарё вилоятида ўтказилаётган ўқув-машғулот йиғинида иштирок этади.

Ушбу йиғин 12-13 апрель кунлари Грузия пойтахи Тбилиси шаҳри мезбонлик қиладиган кадетлар ўртасидаги "Europem Cup 2025" турнирига тайёргарлик вазифасини ўтаб бермоқда. 

Мусобақада 15 давлат дзюдо терма жамоалари ўз иштирокини тасдиқлаган. Ўзбекистон кадетлар терма жамоаси ҳам тўлиқ таркибда Тбилисига йўл олади. Деновдаги машғулот йиғини 9 апрелга қадар давом этади. Бу ҳақда Ўзбекистон дзюдо федерацияси хабар бермоқда.