Остон Ўрунов бугун дебют қиладими?

"Персеполис" бугун чемпионат доирасидаги навбатдаги турда "Трактор"га қарши майдонга тушади.

Легионеримиз Остон Ўруновнинг бу баҳсда қатнашиши сўроқ остида турибди. Аввалроқ, ФИФА Теҳрон клубига янги футболчиларни рўйхатдан ўтказишга тақиқ қўйилгани ҳақида хабарлар чиққанди.

Жамоа қарздорлик бўйича масалаларни ёпган ва Остонни қайдномадан ўтказиш учун ҳаракатни бошлаган. Ўйингача барчаси ҳал бўлса, у бугун дебют қилади.