Oston oson qutildi!

“Ufa” sharafini himoya qilayotgan Oston O‘runov Rossiya premer-ligasining avvalgi turida “Ural” bilan bo‘lgan o‘yinda jarohat olib, maydonni erta tark etgandi.

“Ufa” o‘zbek legionerining jarohati bo‘yicha ma’lumot berdi.

- Oston O‘runovning kichik jarohat oldi. Jarohati jiddiy emas. Uning keyingi o‘yindagi ishtiroki murabbiylar shtabi va tibbiyot xodimlari tomonidan qabul qilinadigan qarorga bog‘liq, - deyiladi “Ufa” bayonotida.

20 yoshli Oston O‘runov mavsum oxirigacha “Spartak”dan ijaraga olingan. Moskvaliklar bilan 2025 yilgacha shartnomaga ega bo‘lgan futbolchimiz avvalgi jamoasida ham bir necha marotaba jarohatlangan edi.