Ўз уйингда деворлар ҳам ёрдам бермаса...

Ҳар бир жамоа ўз мухлислари кўз ўнгида, қадрдон стадионида ҳар қандай рақибга қарши муваффақиятли ўйнашга ҳаракат қилади.

Аммо “Сандерленд” тарихида юз берган ғалабасиз серия клуб номига катта қора доғ бўлиб тушган.

Бу жамоа футболчилари 2016-2017 йилги мавсумда ўз уйида 364 кун давомида рақибларини мағлуб эта олмаган. Ўшанда “Сандерленд” уй учрашувларидаги сўнгги ғалабасини 2016 йилнинг 17 декабрида “Уотфорд”га қарши учрашувда қўлга киритган.

Мухлислар “Сандерленд”нинг ўз майдонидаги кейинги ғалабасини роппа-роса бир йил кутишига тўғри келди.

Орада Премьер-лигадан тушиб кетган жамоа Чемпионшипда ҳам меҳмонларга очко улашишда давом этди. Ниҳоят, 2017 йилнинг декабрида бу гал “Фулхэм”ни кичик ҳисобда енгиб, қора серияга барҳам берди.