Ўзбекистон - Исроил: Ўйин қачон?

Аргентинада бўлиб ўтаётган 20 ёшлилар ўртасидаги мундиалнинг 3-тур учрашувлари давом этмоқда. Кеча Гватемалани 2:0 ҳисобида таслим этган вакилларимиз "А" гуруҳида 2-ўрин билан плей-офф йўлланмасига эга чиққанди.  

Ҳайдаров шогирдларининг рақиби "C" гуруҳида 2-ўринни олган жамоа бўлади. Ушбу гуруҳдаги иккита ўйин ҳам якунланди. Унда Колумбия Сенегал билан дурангга имзо чеккан бўлса, Исроил Японияни 2:1 ҳисобида мағлуб қилди ва 2-поғонага кўтарилди. Шунингдек, Ўзбекистоннинг 1/8 финалидаги рақибига айланди.

Ўзбекистон ҳамда Исроил терма жамоалари ўртасидаги ўйин 30'дан 31 майга ўтар кечаси тунгги соат 02:00да старт олади.