Ўзбекистон терма жамоасининг Тожикистонга қарши ўйини бошқа санада ўтказилади

Ўзбекистон миллий терма жамоасининг қўшни Тожикистонга қарши режалаштирилган ўртоқлик учрашуви санаси ўзгарди.

ЎФА расмий сайтининг хабар беришича, режага бўйича 4 сентябрь кунига мўлжалланган ушбу баҳс Тожикистон футбол федерацияси илтимосига биноан 3 сентябрга кўчирилди.

Айтиш керакки, терма жамоамизнинг Эронга қарши 7 сентябрда бўлиб ўтиши керак бўлган ўйини санаси ўзгаришсиз қолди.