Ўзбекистоннинг Канадага қарши ўйини режалаштирилган вақтда бошланмайди

Жаҳон чемпионатига тайёргарлик доирасида бир қатор терма жамоалар ўртоқлик учрашувларида иштирок этмоқда. Жумладан, Ўзбекистон миллий терма жамоаси мундиал мезбонларидан бири бўлган Канадага қарши баҳс олиб боради.

Дастлаб, учрашув Тошкент вақти билан соат 06:00 да бошланиши режалаштирилган эди. Бироқ спорт шарҳловчиси Хайрулла Ҳамидовнинг маълум қилишича, ўйин 15 дақиқа кечикиб, соат 06:15 да старт олади.

Маълумот учун, Канада — Ўзбекистон баҳсини "Zo'r TV" ҳамда "Futbol TV" телеканаллари орқали жонли эфирда томоша қилиш мумкин.