Пальинья янги жамоа учун тиббий кўрикдан ўтди

«Бавария» жамоасида тўп суриб келаётган 31 ёшли яримҳимоячи Жоау Пальинья «Бенфика»га ўтиши арафасида тиббий кўрикдан муваффақиятли ўтди. Бу ҳақда Record нашри хабар берди.

Маълумотларга кўра, тиббий текширув душанба куни тонгда Лиссабонда ўтказилган. «Бавария» футболчига шаҳарда қолишга рухсат берган, шу орқали трансферга оид барча расмий жараёнларни якунлаб олиши мумкин бўлади. Манбага кўра, «Бенфика» португалиялик футболчи билан шартнома имзолангани ҳақида расман чәршанба куни эълон қилади.

Жоау Пальинья шу ҳафта охирида, шанба куниёқ бир неча чемодан билан Португалияга етиб келган эди. Ўшанда у оммавий ахборот воситаларига берган қисқа изоҳида ҳали ҳам «Бавария» футболчиси эканини, бу сафар esa фарзандлари билан вақт ўтказиш режасининг бир қисми эканини айтган.

Ўтган мавсумда Пальинья «Тоттенхэм» таркибида ижара асосида ўйнади. У майдонга тушган 45 учрашувда 7 та гол урди ва 3 та голли узатма муаллифи бўлди.