Пара каноэ. Шахноза финалда, Ҳайтмурод ярим финалда!

Канаданинг Галифакс шаҳрида бўлаётган пара каноэ бўйича жаҳон чемпионатининг иккинчи куни ҳам вакилларимиз учун муваффақиятли бошланди.

Жумладан, аёллар ўртасида KL3 классида стартга чиққан ҳамюртимиз Шахноза Мирзаева 51,87 сония натижа билан маррага учинчи бўлиб етиб келди ва тўғридан-тўғри финал баҳсида иштирок этиш ҳуқуқини қўлга киритди.

Эркаклар ўртасида VL3 классида баҳсларга киришган Ҳайтмурод Шерқўзиев эса 50,60 сония натижа билан маррага иккинчи бўлиб етиб келди ва ярим финал йўлланмасига эга бўлди.