Паралимпия. Туябўғизда мамлакатимизнинг энг кучли пара каноэчилари аниқланди

Жорий йилнинг 19 - 22-октябр кунлари Тошкент вилоятида жойлашган Туябўғиз сув омбори ҳавзасида пара каноэ бўйича ёшлар ва катталар ўртасида Ўзбекистон чемпионати ўтказилди.

Миллий Паралимпия қўмитаси матбуот хизмати берган маълумотларга кўра, ушб мусобақада юртимизнинг турли ҳудудларидан жами 70 нафарга яқин пара каноечи ғолиблик учун ўзаро баҳс олиб борди.

Якунда умумжамоа ҳисоби қуйидагича кўриниш олди:

1-ўрин - Тошкент вилояти;
2-ўрин - Тошкент шаҳри;
3-ўрин - Фарғона вилояти;
4-ўрин - Сирдарё вилояти;
5-ўрин - Қорақалпоғистон Республикаси.

Қайд этиш лозимки, ушбу мамлакат чемпионати келгуси йил юртимизда ўтадиган Ёшлар Пара Осиё ўйинлари ҳамда бўлажак нуфузли халқаро мусобақалар олдидан муҳим тайёргарлик вазифасини ўташга хизмат қилади.