Париж-2024. Ислом Баҳромов чорак финал баҳсини ўтказди

"Классик" курашчимиз Ислом Баҳромов (-60 кг) Париж-2024 ёзги Олимпия ўйинларидаги чорак финал беллашувида гиламга чиқди. КХДР вакили Се Унг Ри билан баҳс олиб борган юртдошимиз мағлубиятга учради. Энди кореялик курашчи финалга йўлланма олган тақдирда ҳамюртимиз бронза медали учун курашиш имкониятини сақлаб қолади.

Маълумот учун, курашчимиз Олимпия ўйинларидаги дастлабки беллашувини қочқинлар жамоаси вакили Жамол Вализодага қарши ўтказиб, ишончли тарзда ғалаба қозониб, чорак финалга йўл олганди.