Parij-2024. Islom Bahromov chorak final bahsini o‘tkazdi

"Klassik" kurashchimiz Islom Bahromov (-60 kg) Parij-2024 yozgi Olimpiya o‘yinlaridagi chorak final bellashuvida gilamga chiqdi. KXDR vakili Se Ung Ri bilan bahs olib borgan yurtdoshimiz mag‘lubiyatga uchradi. Endi koreyalik kurashchi finalga yo‘llanma olgan taqdirda hamyurtimiz bronza medali uchun kurashish imkoniyatini saqlab qoladi.

Ma’lumot uchun, kurashchimiz Olimpiya o‘yinlaridagi dastlabki bellashuvini qochqinlar jamoasi vakili Jamol Valizodaga qarshi o‘tkazib, ishonchli tarzda g‘alaba qozonib, chorak finalga yo‘l olgandi.