Педро: "Рома"дан миннатдорман. Сабаби..."

"Лацио" вингери Педро Родригес собиқ жамоаси "Рома"га уни ҳозирги клубига сотгани учун миннатдорчилик билдирди. Шунингдек, жамоа Европа лигасида ғалаба қозонса, фавворада чўмилишга ваъда берди. Бу ҳақда Николо Скира хабар берди.

- Римнинг асосий жамоасига, яъни "Лацио"га мени сотгани учун "Рома"дан миннатдорман. Фаолиятимни якунлашдан олдин жамоа билан кубок ютишни орзу қиламан. Биз Европа лигасида ғалаба қозонишимиз мумкин. Агар бу содир бўлса, мен Треви фавворасида чўмиламан, - деди Педро.

Маълумот учун, 37 ёшли испаниялик футболчи 2021 йилнинг ёзидан бери "Лацио"да тўп тепади. Футболчининг Рим клуби билан амалдаги шартномаси жорий мавсум якунигача мўлжалланган.