Перес: "Рикельме кимлигини билмайман"

Мадриднинг "Реал" клубида президентлик сайловлари бўлиб ўтди. Унда амалдаги раҳбар Флорентино Перес 65 фоиз овоз тўплаб, ғалаба қозонди. Унинг рақиби Энрике Рикельме эса 35 фоиз овозга эга бўлди.

Сайлов натижалари эълон қилингач, Перес рақиби ҳақидаги саволга кескин жавоб қайтарди.

"Рикельме муносиб рақиб бўлдими? Бу ҳақда ҳеч нарса дея олмайман, чунки уни кимлигини билмайман", — деди Перес.

Шу тариқа, Флорентино Перес "Реал" президенти сифатида 2030 йилгача ўз лавозимида қолади. У клубни 2009 йилдан бери бошқариб келмоқда.

Сайловолди кампанияси давомида Рикельме Эрлинг Холанд билан келишувга эришилгани ва Юрген Клоппнинг жамоага келиши мумкинлигини айтган эди. Бироқ кейинчалик футболчи ва мураббий томони вакиллари бу маълумотларни рад этди.