Перес: Сен "Реал"да ўйнашга туғилгансан!

«Реал Мадрид» президенти Флорентино Перес яқин йилларда Майкл Олисе жамоага қўшилиши керак, деган фикрда қатъий турибди.

Европа матбуотидаги кўплаб хабарларга кўра, француз яримҳимоячиси шу ёзdayoq «Бавария»ни тарк этиб, «Қироллик клуби» сафига ўтишга тайёр. 

Инсайдер Фабрицио Романо маълумот беришича, Перес ушбу трансфер ғоясига жуда қаттиқ берилиб қолган ва 24 ёшли футболчини «Реал» услубига мутлақо мос ўйинчи, деб ҳисоблайди. Унинг таъкидлашича, Флорентино атрофидагиларни Олисе «Реал» учун туғилган футболчи эканига ишонтиришга уриниб келмоқда.

Шу билан бирга, «Бавария» клуби ҳозирча ўз юлдузини сотиш ниятида эмас. Мутахассислар фикрича, мадридликларга бу трансферни амалга ошириш учун рекорд даражада маблағ сарф этишга тўғри келади. Transfermarkt портали Олисени 150 миллион еврога баҳолаган.