Почеттино Мессини олиб келади

Парижликлар ПСЖнинг янги бош мураббийи бўлишга асосий даъвогарлардан бири Маурисио Почеттино ҳамюрти Лионель Мессини олиб келишига ишонмоқда.

Германиялик Томас Тухелни ишдан бўшатган парижликлар Почеттино билан 2023 йилгача шартномани келишиб бўлгани ҳақида хабарлар тарқатилмоқда.

Le Parisien  нашрининг таъкидланишича, Почеттино ПСЖни қабул қилиб оладиган бўлса, клубга Лионель Мессини олиб келиш имконияти сезиларли даражада ошади. Чунки аргентиналик мутахассис анчадан бери Лионель Месси билан ишлашни орзу қилишини айтиб келади.

Бундан ташқари, Маурисио ҳам, Месси ҳам футболга бир жамоа – “Ньюэллс Олд Бойз” клубида қадам қўйган.