Португалия терма жамоаси Роналдунинг тарихий ютуғини олқишлади
Криштиану Роналду мухлислар овозига кўра футбол тарихидаги энг улуғ «Олтин тўп» соҳибига айланди.
Португалия терма жамоаси ижтимоий тармоқларда Криштиану Роналдуни футбол тарихидаги энг буюк «Олтин тўп» соҳиби деб эътироф этилиши билан табриклади.
«2008 йилдан абадиятгача. Португалиялик футболчи тарихдаги энг буюк «Олтин тўп» соҳиби бўлди. Сардор, табриклаймиз!» — дейилади миллий жамоанинг расмий саҳифаларидаги хабарда.
Аввалроқ футбол тарихидаги энг яхши «Олтин тўп» соҳиби номини аниқлаш учун овоз бериш жараёни ташкил этилган эди. Унда Роналдунинг 2008 йилдаги ғалабаси энг яхши деб топилди.
Маълумот ўрнида, Криштиану Роналду фаолияти давомида беш марта «Олтин тўп»ни қўлга киритган. Бу борада у саккизта совринга эга аргентиналик Лионель Мессидан ортда.
Изоҳлар (0)