Ушбу ташаббус доирасида Тошкент шаҳар Учтепа тумани 1-сонли Болалар ва ўсмирлар спорт мактабида "Ёшлар ҳақталиги" муносабати билан "Жонажон Ўзбекистоним мангу бўл омон!" шиори 7-17 ёшгача бўлган йигит-қизлар ўртасида каратэ (WKF) бўйича мусобақа ўтказилди.
Ўзбекистон Жисмоний тарбия ва спорт вазирлиги, Тошкент шаҳар ҳокимияти, мамлакатимиз каратэ миллий федерацисяси ва қатор ҳамкор ташкилотлар томонидан ташкил этилган мазкур спорт турнирида 100га яқин спортчилар иштирок этди.
– Мусобақадан кўзланган мақсад, ёшларни ёзги таътил вақтида бўш вақтларини спорт билан банд этган ҳолда уларнинг саломатлигини янада яхшилаш ва мазкур спорт турини улар ўтасида янада ривожлантиришдир, – деди Тошкент шаҳар Учтепа тумани 1-сонли Болалар ва ўсмирлар спорт мактаби директори Дилшод Маҳмудов – Давлатимиз раҳбари илгари сурган "Бешта ташаббус" доирасида ўтказилган мактабимиз биринчилигида бир қатор ёш истеъдодларни саралашга муяссар бўлдик.
Тошкент шаҳар Учтепа тумани 1-сонли Болалар ва ўсмирлар спорт мактаби биринчилигида Шағзода Бўронова, Жасмина Абдусаматова, Шерхон Расулов, Асилбек Сагатов, Абдуманноб Абдусаломов, Денис Чой, Абдулло Жураев, Алишер Эргашев ва Хожи Акбар Мамасолиев ўз вазн тоифаларида биринчи ўринни эгаллади.
Мусобақа якунида ғолиб ва совриндорлар ташкилотчилар томонидан медаль ва диплом ҳамда эсдалик совғалари билан тақдирланди
Фикрлар