Превью. "Андижон" - "Машъал"

“Андижон” жамоасининг навбатаги рақиби – Муборакнинг “Машъал” клубидир.

Про лигадан Суперлигага қайтган ушбу жамоа билан “Бургутлар”нинг ўзаро ўйинлар тарихи 1995 йилдан бошланган. Шундан буён жамоалар Ўзбекистон чемпионатида 34 маротаба тўқнаш келишган. “Андижон”да 11, “Машъал” ҳисобида 18 ғалаба бор. 5 та учрашув дуранг билан якунланган. Тўплар нисбати 38\50 муборакликлар фойдасига.

Суперлигада сўнгги бор бу жамоалар 2021 йилги мавсумда беллашишган. Андижонда 1:1, Муборакда эса 0:1 ҳисобида меҳмонлар ғалаба қозонган. Охирги марта жамоалар 2022 йилда про лигада учрашишган. Унда ҳам устунлик "Андижон" тарафида бўлган.

Эслатиб ўтамиз, “Андижон” – “Машъал” қарама-қаршилиги 6 апрель куни “Бобур арена”да соат 17:45 да бошланади.