ПСЖ “Барса” юлдузини текинга олмоқчи

“Пари Сен-Жермен” жамоаси “Барселона”нинг ҳужумкор футболчиси Усмон Дембелени текинга қўлга киритмоқчи. Франциялик футболчининг каталонияликлар билан шартномаси келаси йили якунланади.

Дембеле “Барселона” билан янги шартнома борасида музокараларни чўзиб юрибди. У келажаги ҳақида Европа чемпионатидан кейин бир қарорга келишини айтган.

ПСЖ эса, Дембелени “Барселона” билан ҳамкорликни узайтирмасликка кўндирмоқчи ва келаси йили уни ўз таркибига эркин агент сифатида текинга қўшиб олмоқчи.

Каталония клуби раҳбарияти Усмон янги шартнома бўйича учрашувдан қочиб юргани учун уни бошқа клуб билан келишиб қўйганликда гумон қилмоқда.