ПСЖ битта ўйинда иккита рекорд ўрнатди
Голлар ҳаммасини ҳал қилди
Европа Чемпионлар Лигаси умумий босқичи тўртинчи туридан ўрин олган сафар учрашувида французларнинг «Пари Сен-Жермен» жамоаси испаниялик «Вильярреал»га қарши ўйинда бир вақтнинг ўзида мусобақа тарихидаги икки рекордни янгилади.
Opta тарқатган маълумотга кўра, парижликлар Чемпионлар Лигаси тарихида илк бор ўйин бошланишидан атиги 16 дақиқаю 2 сония ўтиб тўртта гол урган жамоа сифатида қайд этилди.
УЕФАнинг расмий сайти эса Луис Энрике шогирдлари яна бир кўрсаткич бўйича тарихга кирганини таъкидлади: «Пари Сен-Жермен» мусобақанинг дастлабки тўрт турида жами 20 та гол урган илк жамоага айланди.
Илгарироқ тўрт турда 17 тадан гол уриш натижасига фақат «ПСЖ»нинг ўзи 2017/18 йилги мавсумда эришган эди. Бу ютуқни 2021/22 йилги мавсумда Германиянинг «Бавария»си, 2022/23 йилги мавсумда эса Италиянинг «Наполи»си такрорлаган.
Изоҳлар (0)