ПСЖ катта трансферни эълон қилди
УЕФА Чемпионлар лигасининг амалдаги ғолиби ПСЖ “Аякс” клубининг 21 ёшли қанот ҳужумчиси Мика Годтс трансферини расман эълон қилди.
Футболчи билан 2031 йилнинг ярмигача шартнома имзоланди.
- Дунёнинг энг яхши клубларидан бирига қўшилаётганимдан ниҳоятда фахрланаман. Бу либосни кийишни, “Парк де Пренс” муҳити ва унинг мухлисларини ҳис қилишни сабрсизлик билан кутяпман.
Президент Носир Ал-Хелайфий, Луиш Кампуш ва бош мураббий Луис Энрике менга билдирган ишончни оқлаш учун майдонда бор кучимни бераман, - деди Годтс ПСЖ расмий сайтига.
Ўтган мавсумда 21 ёшли бельгиялик вингер барча мусобақаларда клуби сафида 44 та ўйин ўтказиб, 17 та гол урди ва 15 та голли узатмани амалга оширди.
Transfermarkt маълумотларига кўра, футболчининг бозор баҳоси 35 миллион еврони ташкил қилади.
Фикрлар