ПСЖ мухлислари олдида шарманда бўлди
Тайёр ғалаба мағлубиятга айланиб кетди
2026/2027 йилги мавсум Франция Лига 1 чемпионатининг 3-туридан ўрин олган “Пари Сен-Жермен” ва “Монако” жамоалари ўртасидаги учрашув меҳмонларнинг ғалабаси якунланди.
Жамоалар Париждаги «Парк де Пренс» стадионида ўйнади. Учрашувнинг бош ҳаками Жером Бризар бўлди. Меҳмонлар 2:1 ҳисобида иродали ғалабага эришди.
31-дақиқада ПСЖ сардори Маркиньос вингер Хвича Кварацхелиянинг узатмасидан кейин гол уриб, ҳисобни очди.
58-дақиқада меҳмонлар ҳимоячиси Флавиу Назинью дарвоза майдони ичида бош билан зарба бериб, ҳисобни тенглаштирди.
72-дақиқада вингер Станис Идумбо россиялик Александр Головиннинг узатмасидан кейин яқин бурчакка зарба бериб, “Монако”ни олдинга олиб чиқди.
“Монако” учта турда тўплаш мумкин бўлган барча очколарни — тўққиз очкони жамғарган ҳолда Лига 1 турнир жадвалида биринчи ўринда бормоқда. Учта ўйиндан кейин икки очкога эга чемпион ПСЖ эса 12-ўринда жойлашган.
Изоҳлар (0)