ПСЖ "Реал" ҳужумчисини нишонга олди

Франциянинг ПСЖ клуби "Реал Мадрид" ҳужумчиси ҳисобланган Родриго учун курашга киришди. 
 
"Fichajes" нашрининг хабар беришича, парижликлар "қироллик клуби" футболчиси Родригога жуда катта қизиқиш билдирмоқда. Манбага кўра. "Пари Сен-Жермен" бразилиялик ўйинчи учун мадридликларга 100 миллион евро таклиф қилишга тайёр. 
 
Сўнгги кунлардаги миш-мишларга қараганда, ҳужумчи учун Саудия клублари ҳам шартнома таклиф қилишга тайёр. Бироқ, "қаймоқранглилар" бир неча яхши таклифлар бўлишига қарамасдан, футболчисини сотиб юбормоқчи эмас. Бундан ташқари, Винисиусни ҳам ҳеч қайси жамоага сотмоқчи эмаслигини билдирган. 
 
Маълумот ўрнида, 24 ёшли қанот ҳужумчиси бу мавсум "Реал" сафида 28 та тўқнашувда иштирок этиб, 12 та гол ва 7 та голли узатмага муаллифлик қилган. Унинг клуб билан шартномаси 2028 йилгача мўлжалланган бўлиб, Тransfermarkt порталидаги нархи 100 миллион евро деб баҳоланмоқда.