ПСЖ юлдузи грандлар нишонида

ПСЖ ярим ҳимоячиси Фабиан Руис Англия премьер-лигасига йўл олиши мумкин. Бу ҳақда El Nacional нашри хабар бермоқда.

Манба маълумотича, 30 ёшли испаниялик футболчига бир қатор инглиз клублари қизиқиш билдирмоқда. Улар орасида «Арсенал», «Манчестер Юнайтед», «Ливерпуль» ва «Ньюкасл» каби жамоалар бор. Шунга қарамай, энг жиддий даъвогар сифатида «Челси» тилга олинмоқда. «Кўклар» бош мураббийи Хаби Алонсо шахсан Руисни ўз жамоасида кўришни истамоқда.

Le Parisien маълумотига кўра, «Челси» қишки трансфер ойнасида ПСЖга ярим ҳимоячи учун 70 миллион евро таклиф қилишни режалаштирган.

Жорий мавсумда Фабиан Руис барча мусобақалар доирасида еттита ўйинда майдонга тушди, бир гол урди ва икки голли узатма муаллифи бўлди.