Пётр Ян — кичик Терминатор!
Шон О'Мэллининг мураббийи Пётр Ян ҳақида гапирди
Америкалик UFC жангчиси Шон О'Мэллининг мураббийи Тим Велч "UFC 333" турнирида Мераб Двалишвилини ҳакамларнинг якдил қарори билан мағлуб этган Пётр Ян ҳақида гапирди.
"Менимча, Пётр Ян ММА тарихидаги энг қўрқинчли жангчилардан бири. У клинчда рақибини парчалаб ташлайди. Партерда ҳам жуда кучли. У бокс бўйича спорт устаси ва ҳақиқий кичик Терминатор.
У ҳеч кимдан қўрқмайди. Агар Пётр Янга қарши жангга чиқсангиз, беллашувдан кейин танангиз қаттиқ оғришини аниқ биласиз. Унинг бу ишларни беш раунд давомида бажара олгани мен кўрган энг ажойиб ҳолатлардан бири.
Бу Пётр Ян ижросидаги ҳақиқий шедевр эди. Менимча, ушбу баҳс ҳаётимда кўрган энг эпик жанглардан бири бўлди", — деди америкалик мутахассис Ариэль Ҳелванига берган интервьюсида.
Маълумот учун, Пётр Яннинг Мераб Двалишвили устидан қозонган ғалабаси Шон О'Мэллини яна чемпионлик учун асосий даъвогарлар қаторига олиб чиқди. Бу борада америкаликнинг асосий рақобатчиси хитойлик Сонг Ядонг бўлиши мумкин.
Изоҳлар (0)