Қамшибек профессионал боксда дебют қилади

  • 13 август, 2020, 12:20
  • 0
  • Бокс

23 август куни Қозоғистоннинг Алмати шаҳрида “MTK Global” ҳамда “MTK Kazakhstan” ҳамкорлигида профессионал бокс оқшоми бўлиб ўтади.

Унда бир қатор қозоғистонлик боксчилар рингга кўтарилади. Жумладан, бизга яхши таниш бўлган Турсунбой Қулахмет ҳам ўз жангини ўтказиши кўзда тутилган. Бироқ унинг рақиби ҳали маълум эмас. Шунингдек, икки карра жаҳон ва Осиё чемпионати кумуш медаль соҳиби Қамшибек Кўнкабаев ҳам профессионал рингдаги дебют жангини ўтказади. Унга анчагина тажрибали бўлган ҳамюрти Исса Акбербаев рақиблик қилади.

Акбербаев профессионал боксда 21 та жанг ўтказиб, уларнинг 20 тасида ғалаба қозонган. Бир бора мағлубият қайд этган. Мазкур мағлубиятни Рио Олимпиадаси чемпиони, профессионал йўналишда мағлубиятсиз одимлаётган россиялик Евгений Тишченкодан қабул қилиб олганди. Дарвоқеа, Қамшибек дебют жангини биринчи оғир вазн тоифасида ўтказади.

ИССА

Фикрлар

Саралаш
Фикр қолдириш учун авторизациядан ўтинг!