Қаршида Ўзбекистон чемпионлари аниқланади

Қарши шаҳридаги Гимнастика спорт турига ихтисослаштирилган спорт мактабида стол тенниси бўйича U13 ёш тоифасида Ўзбекистон чемпионати баҳслари бошланди.

Мамлакат биринчилиги баҳсларида Қорақалпоғистон Республикаси, вилоятлар ва Тошкент шаҳрининг 200 нафардан зиёд профессионал теннисчи йигит-қизлар қатнашмоқда.

Спорт вазирлиги, Миллий олимпия қўмитаси, Ўзбекистон стол тенниси федерацияси, Солиқ қўмитаси ва Қашқадарё вилоят ҳокимлиги ташаббуси билан ташкил этилган чемпионат орқали жаҳон ва қитъа чемпионатларида, Олимпия ўйинларида ватанимиз шарафини ҳимоя қиладиган маҳоратли спортчиларни саралаш ва аниқлаш асосий мақсад этиб белгиланган.

Мусобақалар 19 мартга қадар давом этади.