Рафинья “Атлетико” мухлисларидан узр сўради
"Атлетико"нинг ярим финалдаги рақиби бугун, 15 апрель куни аниқланади
"Барселона" ҳужумчиси Рафинья УЕФА Чемпионлар лигаси чорак финалининг жавоб ўйинидан сўнг "Атлетико" мухлисларига қилган хатти-ҳаракатлари учун узр сўради. Учрашув якунида бразилиялик футболчи мадридликлар мухлисларига уларнинг жамоаси ярим финал босқичида турнирдан чиқиб кетишини кўрсатди.
"Қилган ишим учун узр сўрайман, бу қадриятларим ва характеримга тўғри келмайди. Бу кеча кечқурун менга нисбатан ҳурматсизлик қилган мухлисга жавоб бераётган пайтимда содир бўлди", - деб ёзди Рафинья DAZN каналида ўзининг иштироки акс этган видео эълон қилинган изоҳда.
"Атлетико"нинг ярим финалдаги рақиби бугун, 15 апрель куни аниқланади. Чемпионлар лигаси чорак финалининг жавоб учрашувида "Арсенал" ва "Спортинг" жамоалари тўқнаш келишади. Биринчи ўйин "тўпчилар"нинг ғалабаси билан якунланди (1:0).
Изоҳлар (0)